Siña mas tokante e historia dinámiko di un isla ku na promé bista ta parse desolá. Klein Curaçao a konosé un transformashon ambiental den transkurso di tempu. E a kontené un rikesa na rekursonan natural; e a presensiá e realidat tristu di komèrsio di esklabo, i tur esaki a dun'é un esfera folklóriko ku leyendanan interesante.
Klein Curaçao
Preserving the Past,
Securing the Future
Klein Curaçao
Preserving the Past,
Securing the Future
Klein Curaçao
Preserving the Past,
Securing the Future
Klein Curaçao
Preserving the Past,
Securing the Future
Bon biní na Klein Curaçao
Eksperensiá e beyesa abundante di e isla di Klein Curaçao, un hoya sin habitante ku ta para situá na 10 kilometer for di Kòrsou den direkshon sùitost. Bai bèk den tempu miéntras bo ta eksplorá e sitio aki di Ramsar di kasi 2,5 kilometer kuadrá, un lugá di importansia históriko i maravianan natural. Klein Curaçao a wòrdu ofisialmente rekonosé komo un sitio di Ramsar na 2018: un Área di Moeras di Importansia Internashonal.
Atrakshonnan na Klein Curaçao
Deskubrí e maravianan ku ta warda bo na e isla koutivante di Klein Curaçao. E paraiso sin habitante aki ta ofresé hopi atrakshon i aktividat pa amantenan di naturalesa, fanátikonan di historia, i buskadónan di aventura. For di su erensia históriko riku te na su paisahenan natural impreshonante, Klein Curaçao ta brinda un eksperensia inolvidabel pa tur.
Restonan arkeológiko
Eksplorá e restonan di e faro original, ku a wanta duru kontra di mal tempu te dia e orkan di 1877 a pasa riba e isla.
E Faro
Bishitá i admirá e faro karakterístiko di Klein Curaçao, ku ta situá stratégikamente den kurason di e isla.
Opservashon di para
Presensiá e bista impreshonante di paranan migratorio miéntras nan ta hasi un parada na e isla den nan biahe di Nort pa Sur Amérika. Pa mas informashon: bishitá eBird.
Turtuga di laman
Konosé nos bishitante di kustumber, un espesie di turtuganan di laman den peliger di ekstinshon, kende ta skohe nos playanan komo nan lugá di pone webu. Siña tokante nan kustumbernan, siklo di bida, i kon nos por traha huntu pa protehá nan for di ekstinshon.
Restonan di barku
Para testigu di e kuentanan fasinante di barkunan ku a yega di ankra na nos kosta i eventonan remarkabel ku a desaroyá aki. Tin un kuenta grabá den kada huki di Klein Curaçao.
Snòrkel i Sambuyá
Deskubrí e playanan puru, awanan kla, i e bida marino vibrante ku ta rondoná Klein Curaçao, ofresiendo oportunidatnan sin fin pa snòrkel i sambuyá.
Trabou boluntario
Yuda preservá e naturalesa i herensia kultural di Klein Curaçao dor di traha boluntariamente na nos eventonan di NGO òf dor di yuda nos piki sushi riba e isla. Kompartí riba e wèpsait aki ora bo mira piská, turtuga, òf otro eventonan remarkabel na Klein Curaçao. Pa mas informashon, bishitáCarmabi Foundation, Uniek Curaçao Foundation, Sea Turtle Conservation Curaçao òf Curaçao Clean Up.
Tokante e proyekto Klein Curaçao
Na 2018, Klein Curaҫao a wòrdu identifiká komo un sitio Ramsar. E enfoke di e proyekto aki ta pa desaroyá strategianan pa protehá e rekursonan natural di Klein Curaҫao i alabes permití e uso sostenibel di e área aki pa tantu bishitante komo residentenan di Kòrsou.
-
Konsientisashon
E proyekto lo ehekutá seshonnan pa kompartí informashon ku interesadonan, aktividatnan di limpiesa i opservashon na e sitio, un presensia amplio online, i kontamentu di kuentanan impaktante.
Lo duna atenshon spesial na dianan manera Dia di Herensia Mundial, Dia Internashonal pa Monumentonan i Sitionan Signifikante, Dia Internashonal di Biodiversidat, Dia Mundial di Medio Ambiente, Dia Mundial di Oséano, Dia di Limpiesa di Kòrsou, i Dia Mundial di Turismo.
-
Desaroyo
E Plan di Desaroyo pa Klein Curaçao lo ser implementá ku komponentenan manera Pèrmitnan di Akseso, Programa di Investigashon i Opservashon, Plan pa Restourashon di e Faro, Estudio di Kapasidat di Kargo, Estudio di Aspektonan Espasial i Mekanismo di Finansa Sostenibel pa largu plaso.
-
Konservashon
E sekshon di Biodiversidat Marino di RESEMBID tin komo meta pa protehá i konservá biodiversidat marino, rekonosiendo ku eko-sistemanan marino ta brinda servisionan vital na sernan humano. E servisionan klave di eko-sistemanan na Klein Curaçao ta inkluí e oumento di resistensia kontra orkannan pa medio di refnan di koral saludabel; sitionan di yerba di laman i palu di mangel; playanan bunita i awanan kantu di kosta pa turismo; i suministro di piská pa seguridat di alimentashon pa e komunidat lokal i pa komèrsio regional. Sin protekshon, konservashon, restourashon i maneho sostenibel di e eko-sistemanan marino aki, e servisionan aki lo no por soportá e preshonnan kresiente di kambio di klima i e demanda grandi pa rekursonan marino ku ta biniendo for di poblashonnan kresiente i turistanan ku ta bishitá e islanan.
-
Temanan Legal
Aktualmente, Klein Curaçao ta protehá pa medio di diferente protocol internashonal manera CITES, kual ta protehá espesienan individualmente, òf e protokòl SPAW, kual ta boga pa e protekshon i promoshon di uso sostenibel di biodiversidat marino i kantu di kosta den henter region Karibe. Tambe legislashon lokal ta nesesario pa konservá nos herensia natural i kultural.
E proyekto di Klein Curaçao lo krea e dokumentashon nesesario pa dokumento legal relashoná ku ‘Verordening’. Ta inkluí reglanan pa un pèrmit di akseso; un formato di pèrmit pa operadónan di turismo i otro usuarionan; dokumento inisial ku lo kontené reglanan i responsabilidatnan di tur interesadonan relevante; i rekisitonan pa konstrukshon i infrastruktura.
Tuma kontakto ku nos!
Danki pa bo interes den Klein Curaçao! Nos ta apresiá bo apoyo i nos tei pa yuda bo. Por fabor yena e formulario abou ku bo pregunta òf kualke otro informashon relevante i nos lo manda bo un kontesta mas pronto posibel.